O manequín da Rúa da Formiguera, gañador do concurso de decoración de fachadas e balcóns
Por Redacción
O concurso de decoración de fachadas e balcóns impulsado pola concellaría de Turismo de Pontevedra xa ten gañadores.
O primeiro premio correspondeu a Agustín Cabrera, responsable dun balcón situado na Rúa da Formiguera 5 que contaba cun deseño baseado nun manequín feminino reconvertido nun particular maceta.
Esta proposta lévase 600 euros, mentres o segundo premio, con 400 euros de dotación, recaeu en María Jesús Iglesias polo impacto visual dun balcón situado na Rúa da Palma 1.
Por último o terceiro premio, de 300 euros, foi para Alicia Blanco pola súa proposta floral na Praza da Estrela.
O xurado designado no concurso destacou a calidade das 140 propostas presentadas. Entre os criterios de valoración valorábase o esforzo de mantemento e a orixinalidade.