Os políticos inspeccionan as obras en cinco camiños de Lourido
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A deputada provincial Ana Isabel Vázquez inspeccionou este luns en Poio, acompañada polo alcalde Luciano Sobral e polo portavoz do grupo popular, Ángel Moldes, as obras de pavimentación e mellora do firma dos camiños de Monforte, Cotarela, Mato, Outeiro e Fonte en Lourido.
Ana Isabel Vázquez destacou que os traballos, que teñen un presuposto de 114.391 euros e dos que a Deputación subvenciona 95.093, están a piques de rematar só pendentes do sumidoiro que a empresa adxudicataria instalará de inmediato.
Nestes momentos, a Deputación de Pontevedra está a realizar ou ten adxudicados no Concello de Poio outros traballos en Samieira, en varias rúas de A Caeira e no pavillón e no campo de fútbol. En datas próximas adxudicará un coche para a policía local.