Comerciantes de Santa Clara solicitan unha reunión con Louro para pedirlle que se axilicen as obras
Por Redacción
Os comerciantes da rúa Santa Clara solicitaron unha reunión co concelleiro de Urbanismo, Antón Louro, ante o estado actual das obras na zona. Trátase dun encontro no que pretenden trasladarlle o descontento que hai entre eles debido a unhas obras de reforma urbana que, segundo denuncian nun comunicado, paralizaron "case por completo" a actividade comercial da zona.
Destacan que dende que comezaron as obras o pasado mes de xuño, "se experimentou un baixón nas vendas ao que non axudaron nada as vacacións estivais", algo que os comerciantes achacan á mala execución dos prazos da obra, "que se foron atrasando paulatinamente, entorpecendo o acceso ás tendas, reducindo os estacionamentos e xerando unha situación evidentemente insostible".
Preocúpalles especialmente o descubrimento de restos do Camiño Vello de Castela, que lonxe de axilizar as obras, "ameazan con paralizalas por tempo indefinido", aseguran, algo que os empresarios con negocios na zona "non estamos dispostos a tolerar".
De aí que na devandita reunión con Antón Louro, ademais de transmitirlle todas estas preocupacións, os comerciantes intentarán conseguir o compromiso do Concello de Pontevedra para continuar as actividades nesta céntrica rúa e executar a fase final do proxecto "para recuperar a normalidade e volver ao ritmo económico habitual".
Relacionadas:
-
Sería unha boa noticia que aparecesen valiosos restos arqueolóxicos en Santa Clara?
Por Oskar Viéitez |
-
Louro confía "plenamente" en que "antes do Nadal" as obras de Santa Clara estean executadas
Por Redacción |
-
Os comerciantes de Santa Clara protestan polo atraso da reforma da rúa
Por Oskar Viéitez & Mónica Patxot |
-
As obras en Santa Clara sufrirán un atraso de dúas semanas pola aparición de restos do Camiño de Castela
Por Redacción |
-
Escavarán parte de Santa Clara ante a aparición dos últimos achados arqueolóxicos
Por Redacción |
-
A segunda fase das obras de reforma de Santa Clara, listas antes de que acabe xuño
Por Redacción |