Cruz Vermella Pontevedra celebra a sexta edición da iniciativa "Volta ao Cole Solidaria"
Por Oskar Viéitez
Os próximos venres e sábado, días 5 e 6 de setembro, Pontevedra acollerá a sexta edición da "Volta ao Cole Solidaria", unha iniciativa impulsada por Cruz Vermella e Carrefour que ten por obxectivo reducir o impacto que supón a adquisición de material escolar para as familias que atravesan por dificultades económicas.
O compromiso de Carrefour será a doazón directa de material escolar por valor de 121.000 euros, cos que se espera dar cobertura a 6.000 nenos en situación de emerxencia social de toda España, que se sumarán á cantidade entregada polos cidadáns e que espera superar a cifra de beneficiarios alcanzada en edicións anteriores.
Os hipermercados Carrefour de Pontevedra e Poio contarán cunha mesa atendida por voluntarios de Cruz Vermella Española que recollerán o material escolar (lapis, bolígrafos, cadernos, rotuladores, etc.) que doen os cidadáns.
Unha vez concluída a recollida, Cruz Vermella Pontevedra encargarase de distribuír o material escolar entre menores e novos en situación de vulnerabilidade da provincia.