Acondicionan o campo da festa de Forzáns ante os inminentes festexos de San Roque
Por Redacción
Operarios do Concello de Ponte Caldelas afánanse estes días na posta a punto do 'campo da festa' de Forzáns ante as iniminentes celebracións en honor a San Roque.
Os traballadores municipais botaron unha capa de 'xabre' coa intención de reparar o firme, danado pola incidencia das chuvias do pasado inverno. Ademais tamén se está a proceder a limpar as cunetas do núcleo urbano.
Estes traballos darán paso ás celebracións do fin de semana, na que destaca a tradicional procesión o sábado 16 despois da Misa Solemna das 12:00 horas, o campionato de malla, unha festa da escuma ou a batalla de auga.
O fin de festa será unha verbena amenizado polos grupos Géminis e Passión.