O viveiro da Universidade construirase nun solar municipal da rúa A Barca
Por Mónica Patxot & Oskar Viéitez
O viveiro da Universidade construirase nun terreo municipal da rúa A Barca. Así o decidiron este martes representantes do Concello de Pontevedra, da Universidade de Vigo, da Cámara de Comercio e do Consorcio da Zona Franca de Vigo.
O alcalde, Miguel Anxo Fernández Lores, explicou que se elixiu esta localización para o viveiro temático como a máis idónea pola súa centralidade fronte a outras alternativas coma o polígono industrial do Campiño, menos operativas ante o propósito que se persegue de integración no Campus pontevedrés.
O Concello licitará a obra e cederá este solar municipal de 850 metros cadrados na rúa da Barca para a construción dun edificio de oito plantas, ático e dous baixos que acollerá unhas 20 iniciativas empresariais.
A Cámara de Comercio, coa achega de fondos europeos do Incyde, e a Zona Franca financiarán con algo máis dun millón de euros a construción do edificio que xestionarán a Universidade e a propia Cámara de Comercio.
Os promotores deste viveiro fixaron unha nova reunión para o próximo 16 de setembro. O reitor Salustiano Mato afirmou que traballan co obxectivo de que viveiro estea funcionado en 2015.
Relacionadas:
-
Louro propón situar o viveiro de empresas da Universidade no edificio da Xunta en Benito Corbal
Por Redacción |
-
A incubadora de empresas do Campus de Pontevedra custará preto de 1,2 millóns de euros
Por Oskar Viéitez |
-
O Campus de Pontevedra retoma o pulso
Por Redacción |
-
Pontevedra será a sede dun viveiro de empresas temático, vinculado ás especialidades do campus
Por Alejandro Espiño |
-
Reencontro con sorrisos entre Lores e Teresa Pedrosa
Por Redacción |