O vicepresidente da Xunta acudirá á entrega do premio 'Protagonistas do mañá' do Rotary Club
Por Redacción
A organización internacional de líderes empresariais e profesionais Rotary Club entregará o premio 'Protagonista do mañá' á moza de 16 anos, Candela Janeiro, o próximo mércores 25 ás 20.30 horas no Hotel Galicia Palace.
Esta moza pontevedresa, estudante do Colexio SEK, foi representante da Unesco en Sekmun e delegada de Qatar enSekmun VIII, ademais de contar cun brillante expediente académico. Esta elección realizouse despois de que o xurado do Rotaryexaminase 14 candidatos pertencentes a distintas entidades educativas da cidade.
Ao acto acudirá o vicepresidente e conselleiro da Xunta de Galicia, Alfonso Rueda. Con este premio, o Rotary pretende recoñecer e facer públicos os valores da xuventude a través dun galardón que representa o símbolo dun espírito emprendedor, de liderado e servizo á comunidade.