Rexeitan indemnizar con 26.437 euros a un pontevedrés que se esmagou un dedo cun sumidoiro
Por Oskar Viéitez
A xunta de Goberno del Concello de Pontevedra deu conta este luns dunha sentenza que falla a favor da administración local ao rexeitar o pagamento dunha indemnización de 26.437,27 euros a un pontevedrés que se esmagou un dedo cun sumidoiro.
Esta persoa reclamara contra o concello despois de caer nas inmediacións da rúa Otero Pedrayo, concretamente no lugar da ponte do Couto, coa "fatal consecuencia" de que na caída "o quinto dedo da súa man esquerda foi esmagado por unha tapa de rexistro da rede de sumidoiros".
A sentenza di textualmente que "a reclamación non pode ser atendida ao considerarse que a súa caída, da que se derivan as lesións por cuxa consecuencia reclama, foi nunha zona de risco por el coñecida, na que debería extremar as precaucións e percibir o perigo do sumidoiro de autos".
O xuíz entende que existían outras alternativas para que circulase este transeúnte "existía máis espazo para a súa deambulación de forma que tal accidente debe ser atribuído á súa culpa exclusiva sen que exista responsabilidade por parte da administración local demandada".