Anova-In busca aliados na corporación municipal de Pontevedra
Por Oskar Viéitez
David Carballal, voceiro de ANOVA-IN en Pontevedra, presentou un escrito dirixido aos grupos municipais para á súa consideración como moción no pleno municipal na que reclama do Goberno estatal e do seu presidente a convocatoria e organización dun plebiscito no que os cidadáns poidan decidir sobre a forma de organización política do Estado.
"Queremos decidir, temos dereito a decidir como nos organizamos politicamente, e a abdicación do Xefe do Estado é unha oportunidade única para que os cidadáns decidan", afirmou David Carballal.
Esta consulta vinculante que podería cuestionar o modelo consagrado pola Constitución de 1978, abriría a porta a un proceso constituínte no que a estrutura territorial e o dereito a decidir dos pobos que hoxe conforman o Estado, quede garantido, "posición que nós colectivamente defendemos", apuntou.
"ANOVA vaise presentar seguro as vindeiras eleccións en Pontevedra"
Este escrito tamén persegue "presionar a forzas políticas como o PSOE para que á hora de admitir a trámite esa nova lei para a abdicación teña presentes os seus orixes republicanos e non entren en contradicción entre o que dín dirixentes coma Rubalcaba e as bases coma o PSOE de Pontevedra".
Carballal asegura que xa mantiveron "contactos informais" cos grupos do BNG e PSOE.
Ao non ter representación na corporación local esta formación política pode presentar mocións ao pleno, de cara ás próximas eleccións municipais de maio de 2015, David Carballal asegura que "ANOVA vaise presentar seguro as vindeiras eleccións en Pontevedra, o que non sabemos ainda se concurriremos sós ou en coalición con AGE, somos unha formación asamblearia e iso o decidirán os militantes".