Un incendio calcina por completo un coche que estaba aparcado en Mogor
Por Redacción
Un coche que estaba aparcado na barriada de Mogor acabou completamente calcinado tras sufrir un incendio por causas que aínda se investigan.
O suceso tivo lugar contra as 17.15 horas, momento no que os Bombeiros do Morrazo foron alertados polo incendio dun coche na denominada como Rúa Aniñada.
Os bombeiros acudiron con dous vehículos, aínda que para a extinción do incendio só puideron acceder cun vehículo lixeiro debido á estreitez da zona. Malia a rápida resposta o coche foi consumido completamente polas lapas.
Ao lugar do incendio acudiron tamén efectivos da Policía Local de Marín e da Policía Nacional, que se fixeron cargo da investigación do suceso.
Os bombeiros deron por finalizado o operativo sobre as 18:30 horas.