Detido por roubar no interior de dous vehículos
Por Redacción
Un veciño de Pontevedra de 37 anos ingresou en prisión nos últimos días tras ser detido por roubar no interior de dous vehículos. Cando o arrestaron, os axentes comprobaron que tiña en vigor unha orde de busca dun xulgado pontevedrés, motivo polo que xa se determinou o seu ingreso na Lama.
Segundo informou a Policía Nacional, o detido, de orixe coruñesa, ten antecedentes policiais por delitos contra o patrimonio e nesta ocasión foi detido como presunto autor de dous roubos con forza.
O seu arresto ten a súa orixe na denuncia de dous veciños de Pontevedra que acudiron á Comisaría para comunicar que lle roubaran no coche tras forzar a xanela. En ambos os dous casos o autor do roubo con forza apoderouse de varios efectos e mesmo diñeiro en efectivo do interior dos vehículos.
O presunto autor foi detido sobre as 10.00 horas do 26 de maio e, unha vez en dependencias policiais, os axentes comprobaron que lle constaba unha busca, detención e ingreso en prisión decretada polo Xulgado do Penal número 3 de Pontevedra.