Preséntanse 552 aspirantes á convocatoria de 4 postos de traballo no Concello
Por Oskar Viéitez
O Boletín Oficial da Provincia de Pontevedra publica este venres a lista provisional de aspirantes admitidos e excluídos ás probas de selección convocadas polo Concello de Pontevedra para a cobertura de dúas prazas vacantes de operario de administración especial e outras dúas prazas de auxiliar administrativo, incluídas na Oferta Pública de Emprego do ano 2010.
O Concello de Pontevedra recibiu a un total de 552 aspirantes.
En total presentáronse 142 persoas para optar ás dúas prazas de operario, das cales unha solicitude foi excluída por entregar a documentación fóra de prazo de presentación de instancias.
Para cubrir as dúas prazas vacantes de auxiliar administrativo, foron admitidas 382 persoas, sendo 28 as solicitudes excluídas.
Todas estas prazas son de acceso libre.
Ademais tamén se dispón dunha praza de promoción interna á que optarán catro persoas.
O tribunal constituirase o día 8 de setembro e o primeiro exercicio terá lugar o día 10 de setembro ás 13,00 horas no auditorio do Pazo da Cultura.