O xefe da Comandancia de Pontevedra pasará á reserva este verán
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
A Garda Civil de Pontevedra celebrou este venres un sinxelo acto en conmemoración do 170 Aniversario da súa fundación, no que se recordou as orixes desta Institución, segundo os decretos de 28 de Marzo e 13 de Maio de 1844, renovando os valores de servizo ao cidadán.
O acto celebrado na Comandancia de Pontevedra, estivo presidido polo subdelegado do Goberno en Pontevedra, Antonio Coello Bufill, xunto con outras personalidades que participaron na imposición de cinco medallas a outros tantos membros do Instituto Armado, un tenente do Porriño, un sarxento de Pontevedra, un cabo primeiro de Marín e dous axentes dos postos de Pontevedra e Tui.
O coronel Manuel Davó Soler, máximo responsable da Comandancia da Garda Civil de Pontevedra, na súa breve intervención recordou algúns artigos do regulamento de servizo, por exemplo dixo: "el Guardia Civil por su compostura, aseo, circunspección, buenos modales y reconocida honradez, ha de ser siempre un dechado de moralidad".
Pola súa banda o subdelegado do Goberno quixo dedicar unhas "palabras de afecto, de una forma especial y emocionada" ao coronel Manuel Davó, "porque dentro de poco tiempo será destinado a Madrid a otra situación", concretamente pasa á reserva.
Para finalizar o acto entoouse o himno da Garda Civil.