O domingo será "a primeira vez" para 40.812 pontevedreses
Por Oskar Viéitez
A Subdelegación do Goberno en Pontevedra informa que para un total de 40.812 pontevedreses a deste domingo 25 de maio será "a primeira vez" que voten nunhas eleccións europeas.
Trátase de electores que cumpriron os 18 anos dende que se celebraron os últimos comicios ao Parlamento Europeo.
Os datos oficiais reflicten un incremento de 24.724 altas no censo electoral ata situar en 901.929 as persoas con dereito a voto.
En canto aos medios materiais dispostos para a xornada do domingo suman un total de 1.137 urnas, repartidas en 697 colexios, pertencentes a sete xuntas de zona.
En total imprimíronse 23.534.000 papeletas e 17.598 manuais.
Encargaranse da seguridade nas mesas electorais da provincia 848 axentes da Policía Nacional e 1.083 membros da Garda Civil. Ademais traballarán este día 715 representantes da Administración, equipados con tablets.