372.000 euros para reducir as augas pluviais que chegan á depuradora
Por Redacción
Ao longo das vindeiras semanas comezarán as obras para substituir o alcantarillado da rúa Andrés Mellado e a praza de Galicia, crear a rede de augas pluviais e instalar novas tubaxes para a auga potable na zona.
O portavoz do Goberno e concelleiro responsable do Ciclo da Auga de Pontevedra, Raimundo González, destacou este luns a importancia da actuación porque permitirá unha "disminución importante no aporte de pluviais á depuradora" e enmarcouna no traballo que están a realizar dende o Concello para optimizar o uso desta instalación, pois actualmente o 75% da rede xa ten separativo de pluviais e fecais.
González explicou que unha das prioridades do Goberno é facer a rede separativa de augas fecais e pluviais para trasladar ao río as augas pluviais e as fecais para a depuradora, e evitar deste xeito que unha parte importante das augas pluviais cheguen á depuradora. Neste caso, a actuación costará 372.226,93 euros e xa se aprobou na Xunta de Goberno Local.
SUBVENCIÿN PARA TOMEZA
A Xunta de Goberno tamén aprobou ese luns pedir unha subvención á Axencia de Desenvolvemento Rural para a construcción do novo centro social de Tomeza.
O proxecto ten un custe de 167.873,14 euros e o Concello confía en obter unha subvención do Leader para costear o 40% con fondos europeos.