Unha muller resulta ferida ao impactar unha moto e unha furgoneta en Vilagarcía
Por Redacción
Unha muller de 44 anos, M.J.B.M, resultaba ferida este mércores 7 ás 12.30 horas cando circulaba nunha moto pola Avenida de Cambados en Vilagarcía de Arousa, segundo informaba o Servizo de Emerxencias do 112.
A muller pilotaba a moto e resultaba ferida ao chocar contra unha furgoneta. Ata o lugar foron mobilizados a Policía Local, membros de Protección Civil e Urxencias Sanitarias, que desprazou ao lugar unha ambulancia asistencial. O 061 trasladou ata o Hospital do Salnés que presentaba feridas de diversa consideración.