A crise dispara o número de renuncias a herdar
Por Oskar Viéitez
Os datos oficiais do Consello Xeral do Notariado indican que o número de renuncias a herdar no municipio de Pontevedra no ano 2007 era de 20. O último informe emitido sinala que o pasado ano 2013 se renunciaron a un total de 101 herdanzas.
No conxunto da provincia de Pontevedra no ano 2007 foron 135 os actos de renuncia e no pasado 2013 chegaron ás 514.
Ano tras ano este fenómeno foi crecendo coa crise. Os motivos máis frecuentes, segundo explican estas mesmas fontes, son que a sucesión leve aparellada unha débeda importante e a factura fiscal.
Nestes casos de renuncia dende as notarías recoméndase recibir o legado a beneficio de inventario. ÿ dicir, responder das débedas e demais cargas ata onde alcanzan os bens incluídos nela.
Esta é a fórmula coa que o Estado sempre acepta as herdanzas. No suposto de que todos os herdeiros desistan do legado este pasa ás mans do Estado que ten ademais a obriga de doar unha terceira parte da herdanza que reciba a institucións municipais do domicilio do defunto.