O PSOE provincial defende a chamada á mobilización de Abel Caballero polo novo mapa xudicial
Por Diego Espiño
"La sede oficial de Pontevedra tiene que ser Vigo y si el proyecto contempla una única sede provincial, tiene que estar en Vigo". Así se manifestou o alcalde de Vigo o pasado luns, cando anunciou unha "gran movilización social" para esixir que a súa cidade sexa a sede do poder xudicial na provincia en caso de saír adiante a reforma proposta polo Goberno.
Agora, a organización provincial do PSOE avalou o rexedor olívico, ao entender que "o que está é a dicir exactamente o que di o Partido Socialista, que é que se retire de forma inmediata esta lei".
Así o entende o secretario xeral do PSdeG-PSOE na provincia, Santos Héctor, quen asegura que Caballero "está defendendo a postura do Partido Socialista e tamén está defendendo aos seus cidadáns".
Héctor fixo estas declaracións á conclusión dunha reunión entre os representantes da súa formación nos diferentes parlamentos.
Esa reunión xirou principalmente en torno ao rexeitamento do anteproxecto impulsado polo Ministro de Xustiza, Alberto Ruíz Gallardón, ao entender que se trata dunha lei que "fai un dano irreversible, é ideolóxica, non aforra nin en recursos nin en cartos e só busca que os cidadans que teñen menos recursos non poidan acudir aos tribunais", concluíu Santos Héctor.
Relacionadas:
-
O Pleno da Deputación esixe por unanimidade a retirada da reforma xudicial de Gallardón
Por Oskar Viéitez & Mónica Patxot |
-
Moreira queda só no seu posicionamento fronte ao goberno local de Vigo
Por Oskar Viéitez & Mónica Patxot |
-
Moreira alerta sobre a lectura controvertida que se está a facer desde Vigo da nova Lei de planta xudicial
Por Oskar Viéitez |
-
Besteiro asegura unha demarcación única con cabeceira en Pontevedra "afasta a xustiza dos cidadáns"
Por Oskar Viéitez |
-
Lores pide ao alcalde de Vigo que evite debates localistas con motivo da capitalidade xudicial
Por Redacción |
-
Vigo inicia unha ofensiva para ser a sede principal do poder xudicial de Pontevedra
Por Oskar Viéitez |