Os profesionais da Administración póñense ao día sen saír de casa
Por Oskar Viéitez
A reforma dos gobernos e administracións locais será o eixo sobre que xire o terceiro curso que organiza en Pontevedra o Colexio territorial de secretarios e interventores e tesoureiros.
José Carlos Castiñeira, secretario do Concello de Pontevedra e presidente do Colexio territorial pontevedrés, explicou que no mes de decembro de 2013 se publicaron diversas leis con gran transcendencia no mundo local, entre elas: a lei de racionalización de gasto, a lei de transparencia e a lei de competitividade económica de Galicia.
O obxectivo do curso, que se celebrará do 28 de abril ao 27 de maio, é proceder a unha análise e reflexión sobre as últimas reformas lexislativas, coa finalidade de que se adquira un coñecemento axeitado sobre as súas repercusións, efectos e sobre todo a súa aplicación práctica.
Entre os relatores anunciados para este curso encóntranse: o xefe do departamento de Licenzas e Disciplina do Concello da Coruña, María Hernández García; o subdirector xeral de Estudos e Financiamento de Entidades Locais do Ministerio de Facenda, Gabriel Hurtado; o subdirector xeral de Relacións Financeiras coas Entidades Locais do Ministerio de Facenda, José Joaquín Serrano, ou o maxistrado do Tribunal Superior de Xustiza de Castela La Mancha, Manuel José Domingo Zaballos, entre outros relatores.
O curso celebrarase na Deputación Provincial de Pontevedra, en horario de tarde. Inicialmente estaban previstas 120 prazas pero a gran demanda que suscitaron estas xornadas forzou que se ampliasen ata 180 participantes.
"Son unos cursos muy útiles", afirmou José Carlos Castiñeira, que destacou que o Colexio Territorial "esta trayendo a Pontevedra cursos de nivel nacional, por lo que ya no hay que ir a Madrid o a Barcelona", concluíu.