Peque-Chef, canteira de futuros clientes dos mercado de abastos de Bueu
Por Redacción
A directora xeral de Comercio, Sol Vázquez Abeal, entregou este sábado 29 en Bueu os diplomas aos nenos que participaron na localidade nos obradoiros de cociña Peque-Chef, desenvolvidos pola Federación de Prazas de Abastos de Galicia co apoio da Consellería de Economía e Industria.
Trátase dunha iniciativa que pretende apoiar ás prazas de abastos para impulsar a mellora competitiva do comercio de proximidade, segundo expón a Xunta de Galicia, que mantén o programa destinado aos concellos galegos para modernizar e dinamizar os mercados, dotado con máis de 3 millóns de euros e aberto á presentación de solicitudes ata o próximo 21 de abril.
Os obradoiros Peque-Chef buscan achegar as actividades do mercado de abastos aos máis pequenos dentro dos establecementos que se encontran integradas na Federación de Praza de Abastos de Galicia e consiste na realización de talleres de cociña, dirixidas a nenos de idades comprendidas entre os 6 e os 12 anos. Durante estas actividades fórmaselles sobre como elaborar os pratos e un monitor explícalles os hábitos saudables na alimentación. Durante a visita, a directora xeral de Comercio entregou un libro-guía para previr a obesidade infantil aos participantes.