O Pavillón Universitario presume de conciencia ambiental e apúntase ao deporte sostible
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5346df3a01c95-campus.jpg)
CC BY-NC-SA Universidade de Vigo
"Xestionando hoxe os recursos das vindeiras xeracións". Con este título presentou a vicereitora, Antonio Blanco, o proxecto Pavillón Verde: Deporte Sostible non campus de Pontevedra, que pretende converter o Pavillón Universitario nun exemplo de xestión ambiental.
O proxecto inclúe cinco liñas de acción sobre a xestión das instalacións, despois de elaborar un estudo sobre os espazos, consumo e emisións durante o pasado curso e consultar coas once entidades usuarias do pavillón.
Estas liñas de acción inclúen a elaboración dun protocolo de actuación para fomentar a sostibilidade nos eventos deportivos que alí se celebren, a mellora na xestión dos residuos, un estudo para a mellora da accesibilidade e a creación dunha campaña de formación e concienzación.
A quinta destas propostas pasa por compensar as emisións de carbono, para o que se fará unha plantación de árbores na entrada do campus.
Toda esta iniciativa enmárcase dentro do programa 'Green Campus'.