Piden 57 anos de prisión para unha rede de tráfico de mulleres
Por Oskar Viéitez
A sección segunda da Audiencia Provincial acollerá este martes un xuízo contra J.R.V.P., de 58 anos e nacido en Vila de Cruces; P.V.C., de 62 anos e nacido en Lalín, e U.S.M., de 34 anos e nacida en Brasil, acusados de formar parte dunha rede de prostitución que tiña a súa base nun club de alterne de A Golada.
No seu escrito de acusación, a Fiscalía pide 57 anos de cárcere en total para os tres acusados, polos delitos de inmigración ilegal e contra os dereitos dos traballadores.
Os acusados favorecía a entrada ilegal en en país de mulleres procedentes de ámbitos moi desfavorecidos economicamente ou "azoutados por violencia social e intrafamiliar", ao chegar a España eran sometidas a condicións totalmente diferentes ás acordadas e onde adquirían unha débeda de 3.000 euros".
Os integrantes da banda sometían a férreos controis estas mulleres, mentres que non conseguían saldar a suposta débeda contraída.
En concepto de responsabilidade civil o Ministerio Público demanda unha indemnización solidaria de 30.000 euros ás tres persoas que presentaron denuncia en 2007, tres rapazas que traballaban no Club Cisne e que durante o proceso actúan como testemuñas protexidas.