Buscan o condutor dun turismo que fuxíu arrastrando 51 metros a unha muller tras unha colisión en San Xoán de Poio
Por Anxo Lourido
A Policía Local de Poio intenta localizar o autor dun grave incidente de tráfico que sucedía o luns 9 de setembro na Avenida de San Xoán de Poio, preto da farmacia.
Sobre as 17:10 horas, produciuse un choque por alcance contra un vehículo estacionado, tras o cal o condutor responsable do impacto fuxiu sen facilitar os seus datos.
Unha familiar do propietario do vehículo danado, ao presenciar o suceso, decidiu seguir o responsable do accidente nunha motocicleta
Cando conseguiu que o condutor detivese o vehículo, este negouse a proporcionar os datos do seguro.
A situación agravouse cando o condutor, facendo caso omiso ás peticións da muller, arrincou bruscamente o vehículo.
A moza, que intentaba obter a información, quedou colgada da xanela e foi arrastrada durante 51 metros.
Como resultado, a moza sufriu lesións polo arrastre e danos no casco que levaba posto.
A Policía Local de Poio está a investigar o suceso e busca activamente o condutor e o vehículo causante deste suceso.
Os axentes contan coa marca, un Peugeot, modelo e cor do vehículo fugado (azul), así como cunha imaxe do condutor captada por unha cámara da zona.
A policía fai un chamamento á colaboración cidadá, solicitando que calquera persoa que poida ter sido testemuña do incidente ou que teña información relevante se poña en contacto coas autoridades.
Aseguran que, coas probas dispoñibles, é probable que o condutor sexa localizado en breve prazo de tempo.
Os feitos serán postos en coñecemento do xulgado de garda unha vez se complete a investigación.
Relacionadas:
-
En xullo e agosto houbo 2,8 millóns de vehículos de paso pola provincia de Pontevedra, a cifra máis alta dende 2019
Por Oskar Viéitez |
-
Aparatosa saída de vía en Sanxenxo e incendio dun turismo en Poio
Por Redacción |
-
Escapa a gran velocidade da Garda Civil, intenta embestir o coche patrulla e case atropela varios peóns
Por Redacción |
-
Ferido leve o condutor dun coche que quedou durmido e caeu por un desnivel en Poio
Por Redacción |