Simón Venzal despídese de Pontevedra tras cinco anos á fronte da Garda Civil
Por Redacción
Tras 41 anos na Garda Civil, o coronel Simon Venzal xa forma parte da reserva. Esta situación obrigoulle a deixar as súas responsabilidades á fronte da comandancia de Pontevedra.
Con motivo desta despedida, os seus compañeiros organizaron unha comida homenaxe na Finca Batacos, á que tamén acudiu o subdelegado do Goberno en Pontevedra, Abel Losada.
"Ingresei na Garda Civil, pero foi a Garda Civil a que ingresou en min", afirmou Venzal no seu discurso, que estivo cheo de recordos e anécdotas da súa estancia no corpo.
O xeneral xefe da Garda Civil de Galicia, Miguel González, fixo referencia pola súa banda á extensa traxectoria de Simón Venzal no corpo, "onde estivo desde a postransición aos tempos dos fondos europeos e desde o catro latas ao coche eléctrico".
Losada trasladoulle novamente o seu "total agradecemento" polo traballo á fronte da Garda Civil da provincia no último lustro e fíxolle entrega dun libro sobre Harley Davidson como agasallo, así como dunha cazadora de coiro de moteiro en nome do persoal da comandancia.
Relacionadas:
-
A partir de outubro 29 gardas civís alumnos incorporaranse a Pontevedra
Por Redacción |
-
O tenente coronel Óscar Grañas estará temporalmente á fronte da Comandancia de Pontevedra
Por Redacción |
-
Substitución na Comandancia: Simón Venzal deixa a xefatura tras lograr a mellor taxa de efectividade policial da Garda Civil
Por Natalia Puga |