As previsións de mal tempo aprazan a Festa de Volta ao Cole de Poio
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As previsións climatolóxicas previstas para este venres, con probabilidades de choiva, levan ao Concello de Poio a aprazar a Festa de Volta ao Cole.
As actividades quedan adiadas e vanse desenvolver o vindeiro martes, 10 de setembro, desde as 18.00 horas na Praza da Reiboa.
Os asistentes poderán gozar dunha festa Holi con pos de cores e doutras actividades de balde como obradoiros de manualidades, inchables e animación musical e baile con Javi Solla.
Nesta actividade organizada polo Concello coa colaboración do CC A Barca tamén haberá sorpresas.