900.000 euros van destinarse ao Erasmus+ 2024 para prácticas de estudantes de FP
Por Anxo Lourido
A Deputación de Pontevedra, presidida por Luis López, aprobou o novo programa Erasmus+ 2024, que permitirá a 50 estudantes de Formación Profesional da provincia realizar prácticas en empresas e institucións de países da Unión Europea.
O programa, dotado cun orzamento de 900.000 euros, inclúe unha axuda de 690.000 euros do SEPIE, mentres que os 200.000 euros restantes serán achegados pola propia Deputación.
Os estudantes seleccionados poderán realizar estadías de ata seis meses en países como Alemaña, Francia, Irlanda ou Italia, entre outros.
Ademais, 10 docentes e persoal de FP poderán participar en mobilidades de aprendizaxe por observación.
A duración do programa esténdese ata o verán de 2025, con posibilidade de prolongarse ata maio de 2026.
Luis López destacou que esta iniciativa busca mellorar a formación da mocidade da provincia, para preparala para os retos do futuro.
A Deputación encargarase de xestionar todos os aspectos das mobilidades, incluíndo a busca de empresas de acollida, a tramitación das bolsas e a contratación dos seguros.