Domingo 25 de agosto, nova data para o Combate Naval en Vilagarcía debido á chuvia
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
![](/web/cache/scene/uploads/fotos/foto/8df/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c7203912-00.jpg)
© Concello de Vilagarcía de Arousa
![](/web/cache/scene/uploads/fotos/foto/c8c/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c720e90e-batalla-de-flores.jpg)
© Concello de Vilagarcía de Arousa
A Concellería de Cultura de Vilagarcía de Arousa anunciaba este xoves este cambio importante no programa das festas de San Roque. O tradicional Combate Naval, previsto inicialmente para o sábado 24, celebrarase finalmente o domingo 25 de agosto.
A causa do cambio atópase nas malas previsións meteorolóxicas para a mañá do sábado.
Segundo indican desde o Concello, a montaxe do espectáculo require polo menos 24 horas de tempo seco.
Deste xeito haberá cambios na programación con novos horarios:
O desfile de carrozas vai adiantarse ás 21:00 horas (antes ás 21:30).
E o espectáculo pirotécnico comezará ás 23:30 horas, cando inicialmente estaba previsto para as 00.00 horas, tendo en conta que o luns é xornada laborable.
Os nenos e nenas inscritos para ir nas carrozas deberán estar na praza da estación ás 20:30 horas, media hora antes do previsto inicialmente.
OUTROS EVENTOS
O sábado 24 manteranse as actuacións da mostra Festaclown.
O concerto tributo 'Remember Queen' celebrarase ás 00:30 horas na avenida da Mariña.
Na historia do Combate Naval, este evento seguido por milleiros de persoas xa se ten celebrado en domingos en décadas anteriores.
Segundo o goberno local, a decisión busca garantir a seguridade e o éxito dun dos eventos máis esperados das festas de San Roque en Vilagarcía.
Relacionadas:
-
"Éxito absoluto de público" no Festaclown de Vilagarcía
Por Oskar Viéitez |
-
A visita dos Bolechas, a batalla de flores e o Combate Naval poñerán fin ás Festas de San Roque
Por Redacción |
-
A dozura eléctrica de Anni B Sweet deixa paso ao novo flamenco de Antonio Carmona nas Festas de San Roque
Por Redacción |
-
Multitudinaria Festa da Auga para combater a calor
Por Redacción |
-
Humor e cor no inicio das Festas de San Roque en Vilagarcía
Por Redacción |