O breve ciclo da Feira da Peregrina neste 2024 leva o nome de Tomás Rufo como triunfador con tres orellas no seu haber durante o festexo dominical do 11 de agosto. No podcast 'Conversas na Ferrería' toca facer balance da feira taurina pontevedresa.
Raúl Martínez, da Peña Miura, apunta ademais do nome do mozo toledano "as pinceladas" que deixou Morante de la Puebla. Outro dos contertulios asiduos á Feira pontevedresa, Alejandro Calvo engade "un pouquiño de Talavante porque me pareceu un pouquiño tremendista" e Juan Riveiro, presidente da Coordinadora de Peñas Taurinas de Pontevedra, a disposición do que segue sendo o primeiro no escalafón, Roca Rey; como contrapunto todos fincan o dente ao "desastroso" encierro do sábado de Puerto de San Lorenzo e La Ventana del Puerto.
Durante a charla, coméntase igualmente o despacho de billetes rexistrado durante a fin de semana, con mellor resultado o sábado que o domingo; ou o perfil do afeccionado, que está a gañar puntos entre os máis novos e que igualmente atrae cada vez a máis público foráneo que nestas datas atópase nas Rías Baixas.
Entre as anécdotas e discorrer da Feira que se comenta, un dato é rechamante: o ciclo, inicialmente, pensouse con tres festexos. O primeiro para o pasado venres 9 de agosto, cun único toureiro no cartel e que desde logo puxera a Pontevedra en todos os foros taurinos. Con todo as negociacións finalmente non chegaron a un acordo. O nome, no faladoiro que está dispoñible na web de PontevedraViva Radio e a cuxo podcast tamén se accede desde a ligazón adxunta.