Os veciños de Campelo conseguen que uns okupas desaloxen un piso tras falar con eles
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
Os veciños da parroquia de Campelo conseguiron mediante o diálogo o desaloxo dun piso okupado ilegalmente.
Os okupas instaláronse tres días antes neste edificio, propiedade da Sareb, situado na contorna da Granxa e ao coñecer a situación a asociación veciñal convocou unha concentración ante o inmoble.
Paralelamente informouse ao Concello de Poio da situación identificando os ocupantes do piso como perceptores de axudas dos servizos sociais.
Os veciños falaron cos ocupantes e negociaron o seu desaloxo que se produciu sen maiores incidentes o pasado sábado día 27 de xullo.
Así, os axentes da Policía Local de Poio e da Garda Civil tan só compareceron no lugar para informar a todas as persoas das implicacións legais respecto diso.
Esta situación tratouse no pleno municipal onde o alcalde, Ángel Moldes, destacou o labor veciñal e sumouse ao agradecemento que estes expresaron ás forzas de seguridade polo seu "trato cordial e conciliador".