A primeiros de agosto finalizarán as obras do campo de fútbol de Dorrón
Por Redacción
Ao longo deste mes de xullo van desenvolverse as últimas obras do novo campo de fútbol de Dorrón, en Sanxenxo.
Telmo Martín, alcalde do municipio, e o concelleiro de Deportes, Marcos Guisasola, revisaron os traballos que se realizan.
As obras sufriron atrasos debido ás choivas do inverno.
A partir deste luns 8 de xullo instalarase o campo de céspede sintético cunha base elástica, homologado pola FIFA.
O terreo de xogo presentará unha rede de rega con seis canóns de rotación lenta e constante.
A iluminación do espazo de fútbol 11 xa se atopa instalada con torres de vinte metros de altura e cinco proxectores de 2.500 watts asimétricos.
Ademais, este recinto deportivo terá vestiarios, nova cantina, almacén, bancadas e un peche perimetral novo.
Crearanse 24 prazas de aparcamento na parcela exterior do campo.
Esta obra execútaa Espina e Delfín, empresa concesionaria do ciclo da auga en Sanxenxo, como compensación polo canon xerado no contrato entre 2020 e 2023.
Debido á prórroga forzosa xerouse un importe superior a 700.000 euros, cartos que agora son investidos nesta instalación deportiva.