![](/web/cache/scene/uploads/fotos/foto/651/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/667d725aa7-img_20240626_121749.jpg)
© BNG de Soutomaior
O BNG rexistra na Xunta o medio milleiro de sinaturas da veciñanza de Soutomaior en defensa da sanidade pública
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O BNG de Soutomaior presentou este mércores no Rexistro Xeral da Xunta, en Santiago, o máis de medio milleiro de sinaturas en defensa da sanidade pública recollidas entre a veciñanza do concello nunha campaña que se estendeu entre os meses de maio e xuño.
Esta iniciativa esixe ao goberno do Partido Popular "que acabe cos recortes na saúde da veciñanza de Soutomaior" e que dote do persoal e os recursos necesarios o centro de saúde de Arcade.
O Bloque trasladou ao conselleiro de Sanidade, Antonio Gómez Caamaño, a demanda da veciñanza de Soutomaior de contar no centro de saúde cun médico máis, pasando dos tres facultativos actuais a catro.
O responsable local do BNG de Soutomaior, José Costas, sinalou que o xerente da Área Sanitaria de Pontevedra, José Flores, comprometérase nunha reunión mantida o pasado verán co goberno de Soutomaior a aumentar esa praza de Atención Primaria a comezos de 2024. "Estamos xa na metade de ano e a Xunta non cumpriu o prometido, e polas declaracións de José Flores, está claro que non teñen pensado cumprir", dixo Costas.
Ademais, o BNG tamén esixe á Xunta que se repoña no centro de saúde de Arcade a praza de Pediatría "que lleva casi dos años vacante, después de que la Xunta se negara a cubrir la baja de larga duración de la anterior facultativa, dejando a las familias de Soutomaior en una situación inaguantable".
José Costas sinalou que "a multitudinaria manifestación do mes de maio demostra que a veciñanza de Soutomaior está farta das escusas e mentiras".
Relacionadas:
-
A reforma da Praza da Aldea comezará en outono
Por Redacción |
-
Arcade acolle unha manifestación este venres para esixir máis persoal sanitario no centro de saúde
Por Redacción |
-
Os terreos do futuro centro de saúde de Soutomaior xa son do Concello
Por Redacción |
-
Recollida de sinaturas para esixir á Xunta melloras no centro de saúde de Arcade
Por Oskar Viéitez |