Rueda recibirá a insignia de ouro dos Amigos do Camiño Portugués a Santiago
Por Redacción
Coincidindo co 25 aniversario da inauguración do albergue de peregrinos de Pontevedra, o presidente da Xunta de Galicia, Alfonso Rueda, recibirá a insignia de ouro da Asociación de Amigas e Amigos do Camiño Portugués a Santiago.
Así o decidiu a asemblea xeral desta entidade, que queren agradecer a Rueda "o seu compromiso co Camiño de Santiago".
A asociación subliña o apoio que o presidente galego prestou sempre ao Camiño Portugués "tanto dunha maneira particular na súa condición de peregrino como desde o lado institucional".
En concreto, este colectivo lembra a axuda prestada por Alfonso Rueda para o proxecto que permitiu acometer o acondicionamento enerxético do albergue que esta asociación xestiona desde a súa inauguración, o 11 de agosto de 1999.
Rueda aceptou recibir esta distinción, que será entregada nun acto que se celebrará nas próximas semanas en Pontevedra.
Entre 1995 e 2005 esta insignia de ouro concedíase de maneira anual. Recibírona Manuel Fraga, José Filgueira Valverde, Mariano Rajoy, Felipe VI, a Raíña Dona Sofía, Ana Botella, Julián Barrio, Jesús Pérez Varela, Gerardo Fernández Albor ou Isabel de Heredia, duquesa de Bragança.
A partir de 2005 só e distinguiu a persoas ou institucións en ocasións especiais, entre elas a Brilat (2013), o Concello de Pontevedra (2018), o entón conselleiro de Cultura, Román Rodríguez (2020) ou aos presidentes das cámaras municipais de Ponte de Lima e Viana de Castelo (2021).
Relacionadas:
-
Alfonso Rueda, novo 'embaixador' dun Camiño Portugués "que temos que seguir coidando con sentidiño e agarimo"
Por Alejandro Espiño & Mónica Patxot |
-
Fundación Lukas celebra o seu XV aniversario percorrendo o Camiño de Santiago con mozos con discapacidade
Por Redacción |
-
Rueda volve vestir a camisola ciclista para promocionar desde Pontevedra o Camiño Portugués
Por Redacción |
-
Seres IndóMITOs: Tino Lores