O vindeiro xoves será a estrea do primeiro parque de xogos de auga da cidade
Por Oskar Viéitez
O Concello de Pontevedra activará o vindeiro xoves, 20 de xuño, os distintos dispositivos que conforman o primeiro parque de xogos de auga da cidade.
A súa posta en funcionamento chega coa fin do curso escolar e, previsiblemente, unha mellora na meteoroloxía, propia da proximidade do verán.
O mesmo día da apertura está prevista a realización de distintos obradoiros infantís ao longo de toda a tarde, co fin de dinamizar e facer aínda máis divertida para as crianzas a inauguración do novo espazo.
Entre os elementos instalados inclúense canóns Tube con rotación de 360º; un arco Spray Loop que xerará unha suave bruma de auga; uns soportes Helio 6, con seis chorros xiratorios para crear chaparróns refrescante, e Helio 3, con tres chorros para xerar unha nube de choiva; un xogo táctil para nenos Pico 2, con texturas únicas e un pivote acuático interactivo para iniciar ou deter o caudal de auga, e brazos Silhouette No1 cun efecto de campá de auga.
Os distintos elementos para o xogo estarán fabricados para ter unha gran durabilidade e resistir condicións ambientais desfavorables e actos vandálicos, empregándose materiais como o aceiro inoxidable e o cobre, tratándose con pinturas especiais e montándose con parafusos antivandálicos.
O tratamento da auga do novo parque lévase a cabo mediante un sistema automático de depuración formado por unha bomba de filtración, un filtro de area e equipos de dosificación, aplicándose un filtrado e unha achega de produtos químicos que garantan que estea en condicións de cloro, PH e limpeza para un baño totalmente seguro; un controlador químico realizará lecturas da calidade da auga, enviando estas lecturas a un ‘autómata’ e detendo a bomba no caso de que esta non cumpra cos parámetros establecidos.
Tódolos xogos están fabricados segundo a Norma Europea EN1176, con aceiro inoxidable, e dotados dun sistema de protección de pés para evitar que esta parte do corpo poida danarse ao xogar.
Relacionadas:
-
A Zona Monumental celebra a festa fin de curso
Por Redacción |
-
As ideas do alumnado de Barcelos para cambiar as prazas máis senlleiras da cidade
Por Alejandro Espiño |
-
Un gran castelo xa destaca na zona de xogos tradicionais e de auga no parque Rosalía de Castro
Por Redacción |
-
Pontevedra poderá estrear o primeiro parque de xogos de auga esta primavera
Por Redacción |