Sorpresa para os viaxeiros da alta velocidade: Pontevedra é portada da revista do Club Renfe
![María José](/web/cache/scene/uploads/xornalistas/foto/377/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5ea3331f09-foto-posible-para-linkedin-02.jpg)
Por María José Pita
A Revista Club Renfe deste mes de xuño dedica a súa portada á cidade de Pontevedra e a reportaxe central da sección + de 200 Km/hora, dirixida a "grandes destinos aos que viaxar a máis de 200 km/hora".
Esta revista distribúese fisicamente nos trens de alta velocidade e longa distancia e pode tamén consultarse na súa edición dixital na páxina web de Renfe: Revista Club Renfe - Junio 2024.
Pontevedra entra nas páxinas da revista Club Renfe ao ser un destino ao que chega a alta velocidade, un servizo que comezou a prestarse o pasado 21 de maio co tren S106 modelo Avril (Alta Velocidade Roda Independente Lixeiro).
PONTEVEDRA, A CIDADE TRANQUILA
A reportaxe asinada por Martín Ulloa (texto) e Lino Escurís (foto) cualifica a Pontevedra como "a cidade tranquila", que "deu as costas ao coche e goza da zona vella peonalizada máis extensa de Galicia".
A foto de portada recolle en primeiro plano a balconada do edificio Castro Monteagudo do Museo Provincial e, ao fondo, a praza da Leña, co seu emblemático cruceiro e as casas baixas con xanelas de marcos verdes.
En páxinas interiores, detense nas prazas e rúas do centro histórico, "o lugar ideal para paseantes e veciños sen présa" e destaca a súa "agradable vida cultural e unha poboación puxante en torno ao eixo industrial atlántico".
Nesta publicación, convídase o viaxeiro a facer da capital da provincia o seu punto de destino.
Relacionadas:
-
Propoñen un tren de proximidade que una Pontevedra e Vigo con Viana do Castelo
Por Redacción |
-
Renfe non indemnizará ata 60 minutos de atraso: "Paréceme mal; o que está a conseguir así é atrasarse se quere"
Por Natalia Puga & Mónica Patxot |
-
VÍDEO.- Así debutaba o tren Avril na estación de Pontevedra antes dunha avaría técnica en Ourense
Por Anxo Lourido |
-
Así son os novos trens Avril, que xa circulan por Pontevedra en fase de probas
Por Alejandro Espiño |