Unha adolescente acaba na UCI tras caerlle enriba un farol na Rúa Barón
Por Alejandro Espiño
Unha adolescente que, segundo as fontes consultadas ten entre 17 e 18 anos, foi ingresada na UCI do Hospital de Montecelo tras ser golpeada por un farol que se lle caeu encima.
O suceso rexistrouse sobre as catro horas desta pasada madrugada na Rúa Barón, nas inmediacións do Parador de Turismo de Pontevedra.
A moza está a ser atendida da fractura dorsal e do traumatismo cranioencefálico que lle causou o farol ao golpear contra o seu corpo.
O atestado da Policía Local, que acudiu ao lugar dos feitos, indica que unha persoa que acompañaba á vítima subiu ao farol e comezou a zarandearse. A estructura rompeu pola base e impactou contra a moza.
Con todo, o amigo sostén, segundo puido saber PontevedraViva, que non se empolicou á estrutura senón que só a abrazou e que esta veu encima da vítima.
Unha ambulancia do 061 trasladou á ferida ao hospital e as autoridades avisaron á súa nai.
A moza ía consciente na ambulancia e queixábase dunha forte dor nas costas e dunha ferida na cabeza, pola que sangrara de maneira abundante.
Agora mesmo atópase estable e os médicos están a valorar a posibilidade de trasladala a Vigo para ser atendida por especialistas en neurociruxía.
Relacionadas:
-
Pepa Pardo pide a revisión integral dos farois de Pontevedra a raíz do suceso na rúa Barón
Por Redacción |
-
Incidente entre os pais dun neno e unha condutora tras un atropelo en Echegaray
Por Natalia Puga |
-
O caso da adolescente ferida ao caerlle encima un farol na Rúa Barón, en mans do xulgado
Por Natalia Puga |