Lavado de cara para o parque de Fonte Santa
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A chegada do bo tempo intensificou os labores de mantemento nalgunhas zonas da cidade mirando xa cara ao verán.
Neste aspecto a concellería de Serizos Urbanos Básicos centrou os seus esforzos no parque de Fonte Santa, en Mollavao.
En concreto, sinala o goberno local, operarios municipais segaron a herba, retiraron entullos, limparon o mobiliario público, acondicionaron o lavadoiro e, finalmente, melloraron o parque infantil.
Ademais procedeuse á supervisión da iluminación e dos valos de peche do parque.
Esta zona de descanso e esparexemento contaba tras o inverno coa herba moi alta que impedía o seu uso, o mobiliario público sucio polas choivas e algúns elementos en mal estado. O parque infantil tampouco se atopaba nas mellores condicións.
A mellora do parque de Fonte Santa queda agora pendente de completarse coa instalación dunha nova varanda no perímetro do río e unha actuación na vía de servizo anexa.