VÍDEO.- Persecución 'salvaxe' polo centro histórico
Por Oskar Viéitez
Non é a primeira vez que PontevedraViva publica este tipo de noticias e todo parece indicar que tampouco será a última. Un xabaril paseouse tranquilamente este mércores pola noite polas rúas do centro histórico da Boa Vila.
Nin sequera as persoas que se atopaban esa noite paseando pola zona vella parecían sorprendidas pola presenza do animal reaccionando mesmo con desdén.
Para deixar testemuño deste novo episodio, un membro da Asociación de Vella a Bella gravou o momento coa cámara do seu teléfono móbil.
O xabaril atopábase preto da ponte do Burgo e desde alí subiu pola rúa César Boente ata a praza de Curros Enríquez e polos Soportais chegou ata a Ferrería.
Para evitar problemas, un coche policial acompañou o animal, dun tamaño considerable, no seu tranquilo percorrido cara ao seu hábitat natural.
Relacionadas:
-
Comeza unha nova campaña de control de pombas e gaivotas en Marín
Por Oskar Viéitez |
-
Curioso paseo nocturno dun xabaril polo barrio de San Antoniño
Por Mónica Patxot |
-
Susto para o atleta Jacobo Soler en plena cidade: "estaba camiñando e atopeime de fronte o xabaril"
Por Mónica Patxot & María José Pita |
-
Un motorista sofre un accidente e resulta ferido ao intentar esquivar un xabaril
Por Redacción |