A Brilat asume o mando da misión europea para formar a soldados ucraínos
![Natalia](/web/cache/scene/uploads/xornalistas/foto/9b5/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/577f8fbb69-hkm23_ri.jpg)
Por Natalia Puga
A Brigada Galicia VII, Brilat, acaba de asumir o mando da misión pola que España forma a militares ucraínos antes de regresar ao seu país e entrar en combate.
As Forzas Armadas desenvolven actividades de formación de persoal ucraíno en territorio nacional a través da Unidade de Formación de Combate da Misión Militar da Unión Europea de Apoio a Ucraína (EUMAM UA) e, desde o pasado 24 de maio, a Brilat é a responsable da misión. Lideraraa seis meses.
Para cumprir esta misión, creouse o Toledo Training Coordination Center (TTCC), co que se desenvolve un programa de adestramento dedicado a adestrar rotacións de militares ucraínos, para que poidan poñer en práctica os coñecementos adquiridos ao regresar ao seu país.
O 24 de maio, asumiu o mando cun acto de Transferencia de Autoridade (TOA) na Praza de Armas da Academia de Infantería de Toledo. Con este acto, culmina o proceso de substitución entre a Unidade de Formación de Combate (UFC) do continxente EUMAM UA III e o EUMAM UA IV, o aque asume a Brigada.
A nova unidade está constituída sobre a base do persoal do Grupo de Cabalería Lixeiro Acoirazado Santiago I do Rexemento de Cabalería Farnesio 12, con sede en Valladolid. Á fronte estará o tenente coronel Roberto Moreno Sánchez del Águila.
Relacionadas:
-
A finais de xuño regresa o Concurso de Patrullas que organiza a Brilat
Por Redacción |
-
A Brilat 'saca os blindados' á rúa
Por Redacción |
-
A Brilat incorpórase á Misión de Asistencia Militar da Unión Europea en Apoio a Ucraína
Por Oskar Viéitez |
-
A Brilat encara 2023 co reto de preparar a 1.500 militares na nova iniciativa NRI da OTAN
Por Natalia Puga |
-
A Brilat conmemora os seus 40 anos de participación activa na OTAN, "preparada" e co foco na reunión de xuño en Madrid
Por Natalia Puga & Mónica Patxot |
-
A Brilat, "en plena tensión sempre", ten agora o foco en Malí e un posible despregamento da OTAN pola invasión rusa
Por Natalia Puga & Cristina Saiz |