Domínguez ve a Lores nunha situación de "extrema debilidad" tras un ano de mandato
Por Alejandro Espiño
Para o Partido Popular, o alcalde de Pontevedra está nunha situación de "extrema debilidad" cando se cumpre o primeiro ano do seu sétimo mandato. Rafa Domínguez considera que Miguel Anxo Fernández Lores está "aislado" e que carece de "proxecto de futuro".
Así o asegurou o portavoz popular, que este luns, nun almorzo informativo con xornalistas, fixo balance do ano que transcorreu desde as últimas eleccións municipais, reivindicado o seu papel como forza maioritaria na corporación municipal.
"El PP es el partido que ha sabido entender mejor las necesidades e inquietudes de los pontevedreses", defendeu Domínguez, que lamentou a "parálisis" que atravesa a cidade por un goberno que "no tiene el respaldo suficiente para sacar adelante temas importantes".
O líder do PP pontevedrés considera que o rural está "abandonado" e que "sigue igual que hace cinco años", que os barrios son os "grandes olvidados" da xestión municipal ou que no centro da cidade multiplicáronse os problemas de convivencia ou de limpeza.
A este respecto, Rafa Domínguez subliñou que "quien haya visitado Pontevedra hace siete años ahora la verá más insegura y más sucia", algo que ocorre, segundo o dirixente popular, ante a "indiferencia e incapacidad" do goberno de Fernández Lores.
No seu balance, Domínguez denunciou a falta de emprego na cidade, os problemas do tráfico e da falta de aparcamento, que vinculou co "aislamiento" que xerou o corte de Raíña Victoria, ou a "vergüenza" da situación que atravesan os servizos sociais.
A todo iso sumou as relacións que están "peor que nunca" do Concello cos seus traballadores, o "déficit" que se rexistra en equipamentos como o mercado ou os cemiterios ou a "situación penosa" que vive o deporte, cunha "deuda crónica" cos clubs.
"Lores no tiene proyecto de futuro. No sabemos hacia dónde quiere ir", sentenciou o portavoz municipal do PP, que avanzou que o seu partido continuará co seu proceso de "escucha activa" con representantes da sociedade pontevedresa.
"CADA VEZ ENTIENDO MÁS A LORES EN SU RELACIÓN CON IVÁN PUENTES"
Aínda que no seu balance Domínguez obviou calquera comentario con respecto ao PSdeG-PSOE, si o fixo na quenda de preguntas. Foi entón cando evidenciou que a relación entre os dous partidos da oposición non pasa polo seu mellor momento.
"Cada vez entiendo más a Lores en su relación con Iván Puentes", sostivo o dirixente do PP, que lamentou os "bandazos políticos" do seu homólogo socialista, con quen "es muy difícil llegar a acuerdos porque no cumple lo que promete".
Así, o portavoz do PP, que no principio do ano ofreceu ao líder do PSOE negociar propostas de actuación conxuntas, considera agora que "no se dan las condiciones en este momento" para unha alianza entre populares e socialistas. "No me fío de ellos", resolveu Domínguez.