Coa celebración do Correlingua quedan afectados os horarios de carga e descarga do luns
Por Oskar Viéitez
Por mor da celebración do Correlingua 2024 se verán afectados os horarios de carga e descarga o luns 27 de maio de 10.30 a 11.30 aproximadamente.
As principais rúas que notarán este cambio serán: Alameda, Praza de España, Riestra, Gutierrez Mellado, Michelena, Praza Peregrina, Paseo Odriozola, Pasantería, Sarmiento, Gregorio Fernández, Padre Isla, Arcos de San Bartolomé, Serra, Cesar Boente, Don Gonzalo, Praza Curros Enriquez, Real, Praza Celso García de la Riega, San Nicolás, Praza Cinco Rúas, Barón, Praza do Peirao, Arzobispo Malvar.
O Correlingua é unha iniciativa de carácter autonómico que transita dunha a outra localidade cun denominador común que é a normalización lingüística da mocidade e a infancia.
Trátase dunha proposta que conta coa axuda da CIG-Ensino, a Mesa pola Normalización Lingüística e a Asociación Socio-Pedagóxica Galega, así como coa colaboración das deputacións de Pontevedra, A Coruña e Lugo e os concellos de Santiago de Compostela, A Coruña, Ourense, Pontevedra, Vigo e Lugo, entre outros.
A festa do Correlingua deste vindeiro luns incluirá o certame do Cantalingua, concurso no que participan bandas profesionais e amateurs, onde o único requisito é que canten en galego.