O parque de Baltar empeza a perder os seus emblemáticos piñeiros
Por Redacción
Tras a recomendación de Estación Fitopatolóxica do Areeiro de que se tallasen todos os piñeiros do parque de Baltar, debido ao seu deficiente estado, a empresa encargada destes traballos, Madeiras Villanueva, comezou este mércores o seu labor na zona próxima ao instituto.
O informe encargado polo Concello recoñece que é a opción "máis agresiva", pero a que se debe abordar pensando en que estes piñeiros "pola súa arquitectura esfiañada e as inadecuadas relacións copa, fuste e altura diámetro teñen certo risco de rotura ou caída".
Unha vez retirados os exemplares, a Concellería de Medio Ambiente deseñará unha repoboación con árbores ben distanciadas para que crezan dunha forma correcta.
No Paseo de Baltar, pola súa banda, a actuación limitarase reestruturar as copas máis inestables e con ramas secas realizando podas en forma de bisel.
Tamén se sanearán as ramas de grandes dimensións e iranse eliminando progresivamente as árbores con arquitectura máis deficiente a nivel estrutural para permitir o crecemento dos exemplares.
Ademais, en ambos os espazos, retiraranse os troncos cunha retroexcavadora para evitar a atracción de fungos patógenos que poida poñer en perigo ao conxunto do arboledo.
Relacionadas:
-
Alumnos do IES Sanxenxo retiran plantas invasoras da duna de Baltar
Por Redacción |
-
Case cen mil euros para acondicionar o parque de Baltar e a contorna do miradoiro de Cabicastro
Por Oskar Viéitez |
-
Plan de choque para os piñeiros de Baltar: talarán os do parque e sanearán os do paseo
Por Redacción |