Excarceran a condutora dun turismo nun accidente na Illa da Toxa
Por Redacción
Ás 14.57 horas deste xoves 16 de maio, o servizo de Emerxencias do 112 Galicia era alertado dun accidente entre dous turismos na Illa de Arousa.
Ata o lugar desprazábase un equipo do servizo de Emerxencias do Concello de Cambados, que comprobaba que dúas persoas resultaron feridas con motivo do impacto.
A condutora do Seat Ibiza, de 23 anos, atopábase no interior do turismo e foi necesaria a intervención dos Bombeiros do Salnés para retirar a porta e liberala.
A muller foi evacuada con dor cervical e unha posible rotura do brazo esquerdo ao Hospital do Salnés por unha ambulancia do 061.
No outro vehículo, un Golf, viaxaba un mozo de 24 anos, que tamén era trasladado ao Hospital do Salnés. Neste caso queixábase de dor torácica e dorsal.
No operativo colaboraron os integrantes do servizo de Emerxencias de Cambados, Bombeiros do Salnés, Garda Civil de Tráfico e Atestados.
Relacionadas:
-
A Garda Civil investiga un condutor que compartiu un vídeo circulando de forma temeraria polo Campiño
Por Oskar Viéitez |
-
Ferida una muller de 84 anos tras ser atropelada en Campelo
Por Redacción |
-
Unha veciña de Cambados e un neno de oito anos resultan feridos nunha saída de vía
Por Anxo Lourido |
-
Catro persoas feridas nun accidente na rotonda de Cambados-Dena
Por Redacción |
-
Dá positivo tras ser 'cazado' falando polo móbil e dando voltas a unha rotonda
Por Redacción |