A xuízo un grupo criminal dedicado á subtracción e venda por pezas de coches de alta gama
Por Oskar Viéitez
A Sección cuarta da Audiencia Provincial de Pontevedra sinalou para este martes día 14 a celebración dun xuízo contra un grupo de persoas acusadas de dedicarse á subtracción de vehículos de alta gama ou á súa adquisición a propósito da súa procedencia ilícita para o despezamento e posterior venda por pezas, borrando con carácter previo os signos distintivos para evitar a súa identificación.
A venda de vehículos subtraídos ou de pezas dos mesmos realizábanas a través de Internet, mediante a inserción de anuncios en páxinas web como milanuncios.com, onde había ata 666 publicacións de vendas de pezas ou como www.trapicheos.net e www.coches.net.
Están acusados cinco cidadáns españois, tres portugueses e un búlgaro.
A Fiscalía acúsalles dos delitos de pertenza a grupo criminal, dun delito continuado de receptación e dun delito continuado de falsidade en documento oficial polos que pide penas que oscilan entre os 2 e os 11 anos de prisión.
Fontes xudiciais apuntan que as partes están a tratar de pechar un acordo de conformidade que evite a celebración do xuízo aínda que a negociación é complicada debido á gran cantidade de reclamacións que hai das compañías aseguradoras que reclaman indemnizacións aos procesados polo prexuízo causado.
Relacionadas:
-
Penas mínimas para un grupo criminal que roubaba coches de alta gama e vendíaos por pezas por Internet
Por Natalia Puga | Creada e actualizada
-
A Audiencia Nacional rexeita a pretensión da armadora e o patrón do Villa de Pitanxo de anular o informe clave do caso
Por Natalia Puga |
-
Dezasete anos de cárcere para un home por agredir sexualmente á filla da súa exmuller
Por Oskar Viéitez |
-
A APDR alega que a modificación en ENCE aumentará o impacto visual, a contaminación do aire e o consumo de auga
Por Mónica Patxot & Anxo Lourido |
-
Confirmada a condena para un home que tentou matar e agrediu á súa parella e retívoa xunto á súa nai
Por Natalia Puga |
-
Tres dos cinco pontevedreses acusados de venda de haxix e cocaína admiten a súa autoría
Por Oskar Viéitez & Mónica Patxot |