Farois e semáforos para mellorar a seguridade en Pardavila
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Este venres reuníronse no Concello de Marín unha representación da Asociación de veciños de Pardavila co xefe territorial da Consellería de Medio, Territorio e Infraestruturas, José Luis Díaz Yáñez e o Xefe do Servizo Provincial de Infraestruturas de Pontevedra, Fausto Núñez Vilar, co obxecto de avanzar os traballos que se van levar a cabo na PO-313 para mellorar a seguridade á altura do cruzamento de Pardavila e Rua Nova.
Trátase do tramo desta estrada autonómica onde se produciu un atropelo mortal o pasado xaneiro.
O proxecto considera a colocación de dous semáforos no cruzamento da estrada cara A Rúa Nova, así como o reforzo da sinalización horizontal e vertical e o repintado da calzada. O presuposto ascenderá a 30.000 euros.
A Dirección Xeral da Axencia Galega de Infraestruturas xa iniciou os trámites para a contratación destas obras, estimando o prazo para o seu comezo nun mes. Tamén se acometerá a mellora da iluminación pública neste tramo, porque o actual non ilumina ben nin as beiravías nin a estrada.
Iniciouse a contratación da instalación dun semáforo con interruptor que acompañase ao paso de peóns, con outro dispositivo de semáforos que se instalase uns metros antes e que servirá de aviso previo.
Cando o tempo o permita pintarase de novo o eixe e a zona da beiravía da estrada, coa instalación de novos sinais en todo este tramo.
Formuláronse algunhas posibilidades de mellora da beiravía e de situación concreta do paso de peóns que será estudado tecnicamente por se pode acceder por seguridade vial e visibilidade necesaria.
Dende o goberno local de Marín, a alcaldesa María Ramallo, agradeceu a implicación da Xunta de Galicia "que a pesar das dificultades económicas esta actuando con medidas que propicien unha mellora na seguridade dun ámbito moi poboado" cun núcleo próximo, unha zona de parada de autobús e un ámbito do centro Juan XXIII que fai necesario o cruzamento de peóns nesta zona.
Relacionadas:
-
O BNG pide no Parlamento medidas urxentes para mellorar a seguridade viaria en Pardavila
Por Redacción |
-
Os veciños de Pardavila maniféstanse para reclamar medidas de seguridade viaria na PO 313
Por Redacción |
-
Os veciños de Pardavila mobilizaranse para reclamar seguridade vial
Por Redacción |
-
Marín pedirá axuda a outras administracións para mellorar a seguridade viaria en Pardavila
Por Redacción |
-
Unha muller de 75 anos falece tras ser atropelada por tres coches en Pardavila (Marín)
Por Redacción | Creada e actualizada