Os bombeiros loitarán contra os lumes forestais cun novo camión con dron incorporado
![](/web/cache/scene/uploads/fotos/foto/900/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/662b855d21-20240426-patxot-camion-bomberos-dron-1764.jpg)
© Mónica Patxot
![](/web/cache/scene/uploads/fotos/foto/391/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/662b85742c-20240426-patxot-camion-bomberos-dron-1761.jpg)
© Mónica Patxot
Un dron cautivo que pode voar ata unha altura de 45 metros desde o seu punto de ancoraxe. É unha das principais dotacións do camión de extinción de incendios que vén de incorporar o parque municipal de Bombeiros de Pontevedra.
O vehículo, que ten como obxectivo mellorar de xeito substancial loita contra os lumes forestais ao longo de todo o perímetro de Pontevedra, conta con tecnoloxía de última xeración e custou case 395.000 euros.
"Se está a facer un esforzo co fin de dotar ao corpo de extinción de incendios do mellor e máis moderno material", destacou o alcalde de Pontevedra, que presentou este camión xunto á edil de Seguridade Cidadá, Eva Vilaverde, e ao xefe do corpo de Bombeiros, Vicente Ferrería.
O dron deste camión, ademais de voar en altura, pode ofrecer unha visión xeográfica e térmica desde o ceo, o que facilitará non só os labores de extinción de incendios, senón que pode ser usado en inundacións ou mesmo en hipotéticos afogamentos.
Vicente Ferrería subliñou que este é o primeiro vehículo forestal do corpo de bombeiros de Pontevedra e explicou que conta cunha capacidade de 3.500 litros de auga, dos que cincocentos están reservados para un sistema de autoprotección
Así, o camión posúe uns sensores de temperatura que activan uns aspersores co fin de protexer a unidade e, ademais, inclúe no seu interior equipos autónomos de respiración.