830.000 euros para renovar as instalacións da lonxa pesqueira de Marín
Por Redacción
O Porto de Marín destinará 830.000 euros ás obras para a renovación e mellora das instalacións interiores da lonxa pesqueira.
Estes traballos, que teñen un prazo de execución de oito meses e medio, serán executados pola empresa Betazul, que presentou a mellor oferta das catro compañías licitantes.
A lonxa de Marín está en servizo desde 1976 e a súa proximidade á contorna salina fai necesaria a renovación puntual das bases articuladas dos seus piares.
Os traballos conlevan a montaxe dunha estrutura metálica auxiliar para a revisión, renovación estrutural e disposición de novas rótulas nos piares.
A Autoridade Portuaria sostén que o mantemento das instalacións e servizos que se prestan ao sector pesqueiro é unha prioridade e así o recolle no seu plan de investimentos.
Así, as obras na lonxa contan con cofinanciamento europeo para a súa realización, a través de Fondo Europeo Marítimo de Pesca e Acuicultura.
Relacionadas:
-
A empresa Antares Forwarding, nova consignataria do Porto de Marín
Por Oskar Viéitez |
-
Portos de Galicia instalará unha nova baliza vermella de axuda á navegación no acceso ao peirao de Pontevedra
Por Oskar Viéitez |
-
O porto de Marín crece por encima do 20% durante o primeiro trimestre do ano
Por Redacción |
-
O Porto de Marín saca a licitación a renovación dos piares da lonxa pesqueira
Por Redacción |