Unha ciclista resulta ferida ao caer da súa bicicleta na avenida de Compostela
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Unha ciclista que circulaba este domingo pola avenida de Compostela de Pontevedra sufriu feridas ao caer da súa bicicleta e acabou no hospital.
Todo sucedeu sobre as 13.00 horas deste domingo cando a ciclista circulaba en compañía doutros ciclistas á altura do remate do dobre carril da avenida de Compostela, na zona máis próxima a Lérez.
A muller caeu da súa bicicleta e, como consecuencia da caída, quedou tirada no chan e queixándose.
De seguido, foron alertados os servizos de emerxencias. Segundo a información facilitada pola Policía Local de Pontevedra, doíanlle as costas e foi trasladada a un centro hospitalario.