Aprobada a financiación para pavimentar e ampliar a rede de pluviais no camiño do Castaño
Por Oskar Viéitez
A Deputación de Pontevedra aprobou este venres o investimento solicitado polo Concello de Poio para renovar a rede de abastecemento, completar as pluviais e mellorar o firme do camiño do Castaño, no lugar de Portosanto.
Unha actuación que, segundo sinala o concelleiro Marcial García, "é necesaria dado o importante deterioro que sofre esa vía municipal".
O goberno local considera que hai moitos lugares do concello que "acumulan anos sen mantemento" e por iso no Plan +Provincia deste ano están a incluir actuacións que "aínda que parezan máis pequenas, ofrecen un servizo moi importante á cidadanía e, sobre todo,aos residentes deses lugares".
O proxecto contempla renovar a rede de abastecemento e completar os pluviais nos tramos do camiño que carece deles actualmente. Ademais, desbrozaranse e limparanse todas as marxes e renovarase o firme. Por último, inclúese sinalización horizontal e vertical para ordear o tráfico e garantir a seguridade na zona.
Ademais deste proxecto, recordan que no plan +Provincia tamén se reservaron investimentos para ampliar a rede de pluviais e mellorar o firme no camiño de Cachafeiro, no Xuviño; ou para completar outro proxecto que quedou a medias no anterior mandato, coa instalación de alumeado público na rúa do Adro e Travesía Porteliña.
Tamén se recollen investimentos para mellorar o firme do camiño do Cemiterio e travesía Poio de Arriba, no lugar de Encoirados, na parroquia de San Salvador; así como para mellorar o firme e completar a rede de abastecemento e pluviais na rúa Costa de Arriba ou mellorar o firme e crear un muro de contención en Camiño do Souto, en Combarro.
Relacionadas:
-
Poio mellorará o firme e completará a rede de saneamento, abastecemento e pluviais no Sartal
Por Oskar Viéitez |
-
Sesenta mil euros para mellorar o firme na travesía de San Xoán e no camiño de Liñares
Por Redacción |
-
Sustitúen máis de 300 baldosas do paseo de Combarro
Por Redacción |
-
O Grove solicitou 711.000 euros á Deputación para levar a cabo sete proxectos
Por Redacción |
-
O goberno provincial mobiliza 1,2 millóns de euros en materia de deporte, benestar social e investimentos nos concellos
Por Oskar Viéitez |
-
Poio ampliará a rede de pluviais no camiño de Cachafeiro, no Xuviño
Por Redacción |
-
Un proxecto solucionará o grave estado de deterioro do Camiño do Souto, en Combarro
Por Redacción |
-
66.000 euros do Plan +Provincia permitirán mellorar Costa de Arriba
Por Redacción |