Controlan o combustible perdido por un camión con madeira envorcado na AP-9 á altura de Barro
Por Redacción
Operarios dos servizos de emerxencias lograban conter a vertedura de combustible dun camión de transporte de madeira que na mañá deste luns 25 envorcaba na autoestrada AP-9 á altura de Portela, no municipio de Barro.
O accidente rexistrábase minutos máis tarde das 10.00 horas cando varios particulares alertaron ao 112 Galicia do accidente.
Por causas que se investigan, o camión, que levaba unha carga de madeira, envorcaba no quilómetro 122 da AP-9. No momento en que se producía a alerta, o condutor atopábase xa fóra da cabina do camión polos seus propios medios.
Este condutor, único ocupante do vehículo, resultaba ileso.
Ata o punto desprazábanse os bombeiros de Ribadumia, que detectaban a perda de combustible do camión. Foi necesario realizar tarefas de contención e limpeza, segundo o 112.
As tarefas continuaron executándose finalmente polos servizos de mantemento da autoestrada.
No operativo participaban tamén axentes da Garda Civil de Tráfico.
Relacionadas:
-
Tres nenos resultan feridos nun accidente en Ribadumia con catro vehículos implicados
Por Redacción | Creada e actualizada
-
Un motorista sofre un accidente e resulta ferido ao intentar esquivar un xabaril
Por Redacción |
-
Aparatoso envorco dun camión no Nó do Pino
Por Natalia Puga | Creada e actualizada
-
Dúas persoas resultan feridas en Cambados ao saír da vía e impactar contra un poste da luz
Por Anxo Lourido |