A estratexia de mellora do espazo urbano de Marín continúa coas obras en Concepción Arenal
Por Redacción
A estratexia de mellora da mobilidade urbana de Marín segue o seu curso tras a posta en marcha das obras na rúa Concepción Arenal.
Esta obra de rehumanización dará continuidade ao proxecto que xa levou a cabo o Concello desde o linde con Estribela ata a rotonda das Anclas.
Nesta ocasión, a actuación comezará desde esa rotonda ata a Rúa da Roda. No primeiro tramo, que vai ata a Cafetería da Mouta, eliminarán a liña de aparcadoiros que está na esquerda, en dirección Pontevedra, e ampliarán as beirarrúas para que o espazo para os peóns sexa o adecuado.
O estacionamento só se verá afectado nese tramo, xa que desde A Mouta ata a Rúa da Roda manteranse todos os estacionamentos, aínda que se reordenarán para que sexan todos en liña.
Unha vez finalicen todos os traballos, a avenida terá beirarrúas máis amplas, que se reforzarán con puntos de luz (especialmente nos pasos de peóns) e colocarán novas xardiñeiras, bancos, papeleiras e un pavimento renovado para o tráfico rodado.
Relacionadas:
-
Ramallo advirte de que o 90% dos desprazamentos en coche no centro urbano de Marín é para traxectos de menos de 5 minutos
Por Oskar Viéitez |
-
As obras de remodelación de Concepción Arenal e da Rúa da Ponte arrancarán esta semana
Por Oskar Viéitez |
-
Instalan dous pasos de peóns elevados na rúa República Arxentina
Por Redacción |
-
Ramallo quere ampliar beirarrúas en Jaime Janer con melloras orzamentadas en 1,2 millóns de euros
Por Redacción |